Thursday, April 30, 2015

Ako ay Isang Imigranteng Filipino...

Plane View | I Am A Filipino Immigrants
Aerial view of The Philippines


She writes...

Ako ay isang imigranteng Filipino...


Malayo sa aking sariling bansa, sabik sa aking pinagmulan
Ako ay isang baguhan sa mga estrangherong bayan.


Ako ay Hilaga, Ako ay Kanluran
Ako ay Timog, Ako ay Silangan.
Kayang kong sayawan ang tugtog
Saan man sa mundo ang aking tirahan.


Ang “Perlas ng Silangan”
ang aking inang bayan.



Nagsasalita ng Ingles, nakikipag-usap ng Instik 
May puntong Canadian, may tonong Australian,
Nagbabanghay sa Espanyol, nagsusulat sa Koreano
Gamay ko ang wika kung saan ako.


Lumaking bilingwal, kung hindi man multilingwal
ngunit Filipino ang aking karaniwang salita.


Kanin man ang aking pangunahing pagkain
Chapati, pansit o patatas, pwedeng ihain sa akin.
Gulay, sili at iba’t-ibang rekado,
Madalas na matamis ang hanap ng tikim ko
Kaya ko mang ibahin ang aking panlasa,
Matatag naman ang aking paniniwala sa mga bagay na mahalaga.


Ang katangian ko ay hindi limitado sa isa
Kundi kasing dami ng aming 7,000 mga isla.
Sa pamamagitan ng tamang aral at hasa,
Sa abilidad ko, mapapahanga ka.


Lahat ng bagay na importante, sa aking puso ay nakalakip
Magbago man ang ihip ng hangin, matatag ang aking isip.


Ang aking talino ay maaring hubugin,
Upang mga malalalim na palaisipan ay aking arukin.
Ito ay mapapatalim at mapapatulis,
Ng hindi bumibigay at nagiging manipis.


Sa pagdududa, nagiging madilim ang aking pananaw,
Tanggalin ang alinlangan, muling nagiging malinaw.


Ang aking diwa ay taos na nakaugat
Mahaba ang pasensya kahit sa panghihina ng loob at pag-asa,
Matatag sa sakuna at kagipitan,
Ang lahat ng hirap, kaya kong higitan.


Ang aking puso ay tumitibok na baga,
nag-aapoy sa pagmamahal.


Pursigido ako dahil sa pag-aalala sa pamilya,
Sa ulan at unos maaliwalas ang disposisyon.
Ang aking sigla ay kasing alab ng araw sa aking nasyon,
Na nagniningning sa anumang bagyo at malalakas na alon.


Matuto man ako ng maraming mga bago,
Hindi ko nakakalimutan kung sino talaga ako. #



Read the English version of this Poem by clicking on the link below:



No comments:

Post a Comment